Gusto nang pawad-an sa politikanhong gahom sa pundok sa Liberal Youth Northern Mindanao ang pamilyang Marcos ug Duterte isip tubag sa kabag-ohan ug pagkutlo sa mga problema sa nasud.
Nanawagan ang mga kabatan-onan nga undangon na ang bangi sa pamilyang Marcos ug Duterte aron mahatagan og solusyon ang mga nag-unang problema sa nasud.
Gipahayag ni Yeshua Miguel M. Pia sa Liberal Youth Northern Mindanao nga kinahanglang maghimo na ang administrasyon solusyon sa krisis sa pamuyo, pagsaka sa presyo sa gasolina, ug kakulang sa tubig tungod sa Super El Niño.
Sumala pa niya, apektado na ang 40 ngadto sa 60 porsyento sa mga Pilipino ug ang kinatibuk-ang masa, hinungdan nga angay tinud-on sa gobyerno ang paghatag og tinuod nga kasulbaran.
Gawas pa niana, gi-awhag usab niya ang administrasyon nga hunongon na ang pag-away sa pamilyang Marcos ug Duterte tungod kay ang mga ordinaryong mamumuo ug mga Pilipino ra gihapon ang nabiktima sa maong panagsumpaki.
