Hugtanong gipamugos ni Bencyrus Ellorin, ang Chairperson sa Pinoy Aksyon, ang pagkamahinungdanon sa pag-upgrade sa nasud pinaagi sa nagapadayon nga modernisasyon ug kalambuan sa teknolohiya karong panahona.
Apan, gipahayag niini nga samtang paspas ang pagsulod sa Artificial Intelligence (AI) sa bahin sa industriyalisasyon ug digital nga ekonomiya, dili angay nga magpabilin ra ang nasud nga tigamitan o “user” lamang sa AI tools.
Si Ellorin namugos nga angayan gayud nga ang nasud mahimong kabahin sa aktibong partisipante sa kalibutanong value chain aron makatabang sa kalambuan sa lokal nga ekonomiya.
Bisan pa man sa dakong paglabang ngadto sa modernong teknolohiya, gipahinumdoman ni Ellorin nga kinahanglan gihapon kining balansehon ug timang-timangon pag-ayo.
Mipasidaan usab si Ellorin nga dili gayud angay nga isakripisyo ang mga pundasyon sa social ug environmental safeguards aron ra makab-ot ang maong pag-uswag.
