Naglusad sa hiniusang airstrike ang Estados Unidos ug Saudi Arabia batok sa mga armadong grupong gisuportahan sa Iran nga anaa sa Iraq. Mipahibalo si U.S. President Donald Trump nga adunay lig-on nga tubag human sa mga pag-atake sa Iran batok sa mga pwersa sa U.S. ug uban pang target sa rehiyon.
Giingon sa U.S. ug Saudi Arabia nga ang operasyon maoy balos sa mga drone attack nga gitumong sa mga pasilidad sa lana sa Saudi Arabia, samtang gikondenar sa gobyerno sa Iraq ang maong mga airstrike isip paglapas sa soberanya sa nasud.
Sumala sa Iraq’s Popular Mobilisation Forces, giingong labing menos 20 ka miyembro ang namatay ug 32 ang nasamdan.
Hisayran nga misaka usab ang presyo sa lana sa kalibotan tungod sa kabalaka nga mahimong mosamot pa ang panagbangi sa Middle East. (RIZA BUDLAO)
