Walay kausaban o dugang gimbug-aton ang nga walay kausaban o dugang nga timbang ang mga testimonya sa mga saksi gikan sa LandBank sa pagpaluyo sa mga akusasyon batok sa Bise Presidente.
Kini ang gibutyag ni kanhi Misamis Oriental Vice Governor Joey Pelaez sa interbyu sa BOMBO RADYO.
Miingon si Pelaez nga legal ang gihimong pag-withdraw sa kwarta tungod kay kini subay ug aprubadong badyet gikan sa gobyerno.
Gitin-aw usab sa kanhi opisyal nga dako ug natural lamang nga cash ang gamiton ug ibayad sa mga pondo nga confidential tungod kay kinahanglan man nga sirado ug walay gihimong paper trail pinaagi sa tseke.
Dugang pa niini, nga kung imbestigahan ang tanang confidential funds, masayran nga ang pamaagi sa pag-withdraw sa Bise Presidente susama ra usab sa gihimo sa Office of the President, mga gobernador, ug mga mayor.
Gidugang usab ni Pelaez nga dako usab ang gigahin nga confidential funds sa ubang mga lokal nga opisyal sama na lamang sa Mayor sa Cagayan de Oro nga nagkantidad sa 250 million pesos ug sa Gobernador sa Misamis Oriental nga miabot sa 120 million pesos. T
ungod niini, nagtuo siya nga daw walay basehanan ang pagtutok lamang sa pamaagi sa pag-withdraw sa pondo sa Bise Presidente samtang nagpabiling wala imbestigahi ang ubang opisyal.
