Gikuwestiyon ni Senador Rodante Marcoleta ang matod niyang mga kakulang ug dili pagkatakdo sa dagan sa pagproseso sa reklamo batok kang kanhi House Speaker Martin Romualdez.
Gipangayo niya sa Office of the Ombudsman ang eksaktong petsa sa paghatag sa complaint affidavit ngadto kang Romualdez aron maklaro ang han-ay sa pagdumala sa reklamo.
Matod ni Marcoleta, mas sayo og usa ka bulan nga nadawat sa laing kampo ang maong complaint affidavit kumpara sa ilang kampo, nga matod niya nadawat lamang kini niadtong Mayo 15.
Gikuwestiyon usab niya ang mga pahayag nga may kalabotan sa reklamo, tungod kay wala matod pa, maklaro kung nakasumite na ba og counter-affidavit ang kampo ni Romualdez ngadto sa Office of the Ombudsman.
Alang kang Marcoleta, kinahanglan nga ipatin-aw sa Office of the Ombudsman ang tinuod nga kahimtang ug han-ay sa mga dokumento aron maklaro ang dagan sa imbestigasyon. (riza budlao)
