Dismayado ang pundok sa Young Free Workers sa pagpanghilabot sa Pasig Regional Trial Court sa pagpatuman sa wage hike alang sa mga trabahante sa Metro Manila.
Kini human nga gipuspenso sa korte ang implementasyon sa NCR Wage Order Number 27 nga naghatag unta og ₱85 nga usbaw sa suholan sa mga mamumuo.
Sumala sa Interim President sa maong grupo nga si Norvin Gavino, supak kini sa probisyon sa Labor Code tungod kay klarong nakasaad sa balaod nga dili pwedeng manghilabot ang bisan kinsang korte sa mga desisyon sa wage board.
Dugang pa niya, mas nakapahiubos kini sa ilang habig tungod kay gawas nga gihimo na gani kining porsyon-porsyon nga singkuenta ug baynte singko pesos, gipahunong pa gyud kini pag-ayo sa korte.
Gihatagan og gibug-aton ni Gavino ang maong isyu tungod kay dili lang kini sa Pasig pwedeng mahitabo, apan sa tanang rehiyon kon mapabiling maglihok ang gobyerno sa interes lamang sa mga kapitalista ug dili alang sa mga mamumuo.
