Gipaspasan sa mga awtoridad ang pag-ila sa dummy account nga nagpagawas og hulga batok sa Lapasan National High School.
Aron masiguro ang kaluwasan sa tanan, nagpadala na og mga sakop sa Philippine National Police ug barangay tanod sa tunghaan samtang nakig-alayon usab sila sa cybercrime unit.
Gipasalig sa School Parent-Teacher Association President nga si Janal Hamdag nga kontrolado ang sitwasyon taliwala sa presensya sa mga gang tungod sa paningkamot sa tunghaan ug barangay.
Tungod niini, gihangyo niya ang mga ginikanan nga magpabilin nga kalmado sanglit giatiman na ang isyu uban sa tabang sa Barangay Council for the Protection of Children (BCPC) ug Violence Against Women and Children (VAWC) Desk.
