Gihupay ni Lapasan National High School Principal Dr. Ferdinand Vinco Jr. ang kabalaka sa mga ginikanan pinaagi sa paghatag og pasalig nga aksyonan gyud dayon ug dili na paabton og ugma ang bisan unsang insidente sa bullying sa ilang tunghaan.
Aron masiguro ang kaangayan ug kaayohan sa tanan, gitin-aw sa maong opisyal nga dili nila ipaatubang ang usa ka bata sa musulong nga ginikanan kon wala kini giubanan sa iyang kaugalingong guardian sanglit vulnerable kaayo ang usa ka estudyante kon mag-inusara.
Hinuon, magpatawag ang administration og pormal nga tigum sa matag bahin aron mahatagan og sakto ug hustong resolusyon ang maong problema.
Tungod niini, nagpabilin ang kaandam sa tunghaan sa pagpatuman sa mga lagda aron mapanalipdan ang kaayohan sa matag estudyante ilabi na samtang giatubang ang mga taho bahin sa seguridad
