Gipadayag ni Cagayan de Oro City Mayor Rolando Klarex Uy nga dili niya batasan ang mubalos sa mga pagbutangbutang ug pagdaot batok kaniya taliwala sa naggawas nga mga panaghisgot ug trolls sa social media.
Sumpay pa sa amahan sa dakbayan nga dili siya ang tagiya sa syudad ug sa mga karsadahan kundili ang mga Kagayanon maong giwelcome niya ang tanang katawhan lakip na ang DDS.
Gipasabot pa ni Mayor Uy nga giampingan usab niya ang dungog sa Cagayan de Oro nga naila sa bulawanong panaghigalaay busa wala siyay pwesto sa pagpangita og kaaway.
Aron mapabilin ang iyang kalinaw sa kinabuhi ug dili na padak-on ang isyu gilinya na lamang sa mayor nga dili na lang niya sila tagdon.
