Nalipay og maayo ang sikat nga artista nga si Maymay Entrata sa iyang pagbisita ug pagsuway sa mga sakay-sakay sa Mary Rose Carnival atol sa saulog sa Higalaay Festival.
Aron dili gilayon mailhan sa iyang mga fans, nag-jacket kini nga may hood ug nag-face mask samtang nagsuroy-suroy kauban ang iyang mga higala.
Dugang pa niini, gipadayag sa aktres nga bisan pa sa iyang pagtago sa nawong, pwerteng nalingaw gihapon sila sa pagpila ug pag-sakay sa nagkalain-laing karnabal rides.
Human sa ilang paglaag-laag, diretso silang nanganon sa duol nga kan-anan aron tapuson ang ilang masadya nga gabii.
