Posibleng masinati ang sunod-sunod nga rotational brownout sa nagkadaiyang bahin sa Mindanao human gipaubos sa red alert status ang linya sa kuryente sa National Grid Corporation of the Philippines o NGCP batok sa nagakulang nga supply.
Gipahimangnoan ni NGCP Regional Corporate Communications Officer Mae Curiano ang publiko nga gipatuman ang maong pasidaan gikan alas dose sa udto hangtod alas nuebe sa gabi-i subay sa pagtaas sa kinatibuk-ang panggamit sa kuryente.
Gitin-aw sa opisyal nga napugos ang ahensya sa pagpatuman og manual load dropping tungod kay kapin sa baynte ka mga planta sa kuryente ang napalong samtang pito pa ang nimenos ang agi sukad pa sa miaging mga bulan.
Dungan niini, gihangyo ang tanan nga magdaginot sa kuryente samtang gipaningkamotan sa mga otoridad nga mapabalik sa insaktong lebel ang supply sa tibuok isla
