Nagpagwas og pahimangno ang mga eksperto bahin sa nagkataas nga kaso sa suicide sa mga batan-on karong tuiga sa dakbayan sa Cagayan de Oro.
Subay sa datos sa City Social Welfare and Development o CSWD, natala ang 23 ka kaso gikan Enero hangtod Agosto ning tuiga diin 10 niini ang nakalas ug kasagaran sa mga biktima kay mga kalalakin-an.
Gipahayag ni CSWD Psychosocial PIO CJ Carl Salcedo nga kadaghanan sa mga biktima naggikan sa panuigon nga 15 hangtod 29 anyos.
Tungod niini, gihangyo ni Salcedo ang mga pamilya ug kabanay nga magmabinantayon tungod kay ang problema sa pamilya, relasyon, kwarta, ug kabug-at sa huna-huna ang nag-unang hinungdan sa maong panghitabo.
