Gipangayo ni Senator-Judge Erwin Tulfo sa impeachment court nga klarohon ang eksaktong gidaghanon sa boto nga gikinahanglan alang sa pinal nga desisyon sa impeachment trial ni Vice President Sara Duterte.
Matod ni Tulfo, importante ang klarong giya bahin sa vote threshold samtang nagkaduol sa pagtapos ang mga pagdungog sa kaso.
Gipamugos sa senador nga kinahanglan kini aron masiguro nga patas ug transparent ang proseso alang sa publiko ug kang Duterte.
Giklaro usab ni Tulfo nga dili niya tuyo nga ipaubos ang gidaghanon sa boto nga gikinahanglan alang sa conviction.
Ang iyang panawagan gisundan sa mga kausaban sa estratehiya sa prosecution ug defense panels samtang nagpadayon ang impeachment proceedings.
