Dili maapil sa unang listahan ang ubang mga drayber nga kuwalipikado unta makadawat sa P5,000 nga ayuda.
Matod sa Department of Social Welfare and Development (DSWD), gikan sa Land Transportation Franchising and Regulatory Board (LTFRB) ang listahan sa mga drayber, apan adunay mga ngalan nga wala naapil ug adunay usab kulang nga impormasyon nga kinahanglan pang susihon.
Tungod niini, nakigtambayayong ang DSWD sa LTFRB, mga lokal nga pangagamhanan ug mga grupo sa transportasyon aron masusi ug mapamatud-an ang mga drayber nga wala naapil sa unang listahan.
Naghimo usab ang ahensya og lahi nga pag-apod-apod sa ayuda alang sa mga drayber nga mapamatud-ang kuwalipikado apan wala nakadawat sa unang payout.
Nangayo sa pasaylo si DSWD Secretary Rex Gatchalian sa mga drayber nga wala naapil ug mipasalig nga paningkamotan sa ahensya nga mahatag kanila ang P5,000 nga ayuda nga angay nilang madawat.
