Nakamugna ang mga researcher sa Imperial College London og bag-ong klase sa balloon nga mas dali mabungkag sa kinaiyahan human kini magamit.
Gitawag kini sa Bioloon, nga gihimo gikan sa modified latex ug wala mogamit sa tradisyonal nga sulfur vulcanisation nga kasagarang gigamit aron mahimong lig-on ug stretchy ang rubber.
Sumala sa mga researcher, parehas gihapon ang performance sa Bioloon sa ordinaryong balloon ug mas sayon pa kining paburoton.
Tumong sa proyekto nga makahatag og mas environment-friendly nga alternatibo sa mga balloon nga kasagarang mahimong basura human sa mga party ug uban pang kalihokan.
Gilauman sa research team nga mahimong anaa na sa merkado ang maong biodegradable balloon sulod sa usa ka tuig.
