Milusad ang Iran-aligned – Houthi sa Yemen sa sunod-sunod nga pag-atake gamit ang mga ballistic missile ug drone batok sa habagatang Saudi Arabia, nga nakaigo sa mga sibilyan ug ekonomikanhong pasilidad ug nakaangol sa 73 ka tawo, lakip ang mga babaye ug mga bata.
Miulbo usab ang mga sunog sa pipila ka pasilidad sa lana ug uban pang utilities, hinungdan nga temporaryong gisuspenso ang operasyon sa maong mga pasilidad aron maatiman ang sitwasyon ug masiguro ang kaluwasan sa mga trabahante.
Taliwala sa maong pag-atake ug nagkakusog nga tensyon sa rehiyon, misaka ang presyo sa lana, diin ang Brent crude futures miabot sa $98 matag baril.
Ang Saudi-led coalition mikondena sa pag-atake isip usa ka peligroso nga pagpasamot sa tensyon ug misaad nga mohimo sa tanang gikinahanglang operational measures aron mapugngan ang Houthi ug mapanalipdan ang importanteng pasilidad sa nasud. (Raniel Mahunyag)
