Gikumpirmar ni House Prosecution Legal Spokesperson Atty. Benjamin Tolosa Jr. nga nakab-ot na sa prosecution ang ilang mga target sa pagpresentar sa ebidensya bahin sa alegasyon sa sayop nga paggamit sa confidential funds.
Matud niya, tungod niini, wala pa nila gikonsiderar nga gikinahanglan nga tawagon ang nahabilin nilang mga saksi, apan nagpabilin silang andam nga mopresentar og dugang nga ebidensya kung gikinahanglan.
Giingon usab ni Tolosa nga bukas gihapon ang prosecution sa pagbalik sa isyu sa confidential funds, subay sa mga panudlo ni Presiding Officer Francis “Chiz” Escudero ug aron mahatagan og higayon ang mga senator-judge nga mangayo og dugang nga mga saksi kung gikinahanglan.
Sa sunod nga yugto sa ilang presentasyon, ipunting sa prosecution ang mga alegasyon sa unexplained wealth ug ipahibalo usab niini ang mga saksi nga ilang ipresentar. (raniel mahunyag)
