Gilusad sa Ukraine ang pinakagrabeng pag-atake sa sulod sa Russia diin gipunterya sa mga long-range drone ang duha ka gas facility sa Arctic nga kapin 3,000 ka kilometro ang kalay-on gikan sa utlanan.
Gigamit sa Ukrainian Armed Forces ang mga barato nga FP-1 drone aron daoton o gub-on ang mga kritikal nga gas processing plant sa Novy Urengoy ug Purovsky.
Gitawag ni Ukrainian President Volodymyr Zelenskyy nga makatarunganon ang maong operasyon nga nakatutok sa pagpahuyang sa energy infrastructure sa Russia.
Ang nahimong punterya nga rehiyon sa Yamalo-Nenets ang nag-unang gigikanan sa enerhiya sa Russia tungod kay ania man dinhi nahimutang ang hapit 80 porsyento sa natural gas production sa nasud. (raniel mahunyag)
