Nagpahayag sa dakong kasubo ang pipila ka mga senatador sa Pilipinas niadtong Lunes bahin sa posibleng multa gikan sa Women’s Tennis Association (WTA) batok sa Filipina Tennis Star nga si Alex Eala tungod sa iyang pagpili nga modula alang sa nasud sa Asian Games imbes nga mosalmot sa mandatory nga China Open.
Nanawagan sa WTA og opisyal nga exemption si Senate Committee on Sports Chairman Bong Go ug ang Philippine Tennis Association (PHILTA), nga nagpasiugda nga dili angay silotan ang usa ka atleta tungod sa paghatag og prayoridad sa pagrepresentar sa iyang nasud.
Giawhag usab ni Senator Erwin Tulfo ang mga ahensya sa gobyerno, lakip ang Philippine Sports Commission (PSC), nga mohatag og pinansyal ug legal nga suporta kang Eala kon ugaling pahamtangan kini og multa.
Ingon nga tubag, gipasalig ni PSC Chairman Patrick Gregorio nga nakig-alayon na ang komisyon sa mga lokal nga kapunongan sa pamaagi sa pagdula aron matabangan si Eala.(Raniel Mahunyag)
