Luwas ug kompleto nga nakabalik sa Amihanang Mindanao ang 901 ka mga pulis human gipakatap isip security forces ug board of election inspectors sa bag-ohay lang nga BARRM parliamentary elections.
Sumala ni Police Regional Office 10 Spokesperson Police Major Joann Navarro, miabot sa 680 ka mga pulis ang misalmot sa pormal nga welcome ceremony sa Camp 1st Lt. Vicente G. Alagar sa Cagayan de Oro, nga gipangulohan mismo ni Regional Director Police Brigadier General Nestor Babagay Junior.
Samtang ang nahabilin nga tropa gikan sa Misamis Occidental, Lanao del Norte, ug Iligan City kay gipapuli ug gipadala na gilayon sa ilang mga provincial ug city police offices aron makapahulay.
Gihimo ang maong kalihokan aron hatagan og pasidungog ug pataason ang moral sa mga kapolisan nga malampusong nituman sa ilang serbisyo sa pagpanalipod sa maong piniliay.-
