Gusto masayran ni Senator-judge Bam Aquino sa prosekusyon sa impeachment trial ni Vice President Sara Duterte kung unsa gyud ang tinuod nga kantidad nga naa sa bank accounts ni VP Duterte ug sa iyang bana nga si Atty. Manases Carpio.
Iyang gipangutana si private prosecutor Atty. Mae Divinagracia kung masulti ba sa mga mosunod nga bank witnesses ang eksaktong kantidad sa mga account.
Gibutyag ni Aquino nga kinahanglan klaro kung unsa ang espesipikong impormasyon nga makuha gikan sa kasamtangang AMLC witness ug sa mga mosunod nga saksi.
Mitubag si Divinagracia nga wala pa siya’y kasayuran sa sulod sa testimonya sa sunod nga witness, apan paningkamotan sa prosekusyon nga pagdugtungon ang mga pamatuod sa matag saksi.
Gibutyag ni AMLC Executive Director Atty. Ronel Buenaventura nga umabot sa ₱44.4 bilyon ang covered ug suspicious transactions nga may kalabotan sa magtiayong Duterte ug Carpio.
