Walay nakita nga kalainan ang pundok sa Kilusang Mayo Uno sa 2027 national budget sa Pilipinas kompara sa miaging mga tuig tungod kay puno gihapon kini sa mga pork barrel.
Gipadayag ni Kilusang Mayo Uno Secretary General Jerome Adonis nga gikasubo usab sa pundok ang mga budget cut sa batakang serbisyo sa panglawas, edukasyon, ug agrikultura nga alang unta sa serbisyo sa mga kabos.
Dugang pa sa opisyal, padayon nga gipatas-an ang pundo sa mga indibidwal nga opisyal ug sa militar samtang bilyones usab ang gigahin sa pagbayad sa utang sa nasud.
Busa, nanawagan ang kapunongan nga ibasura ang pondo alang sa political patronage ug ihatag ang tinuod nga badyet alang sa panginahanglan sa mga mamumuo ug katawhan nga naglisod sa krisis.
