Nagpahimangno ang Cagayan de Oro City Risk Reduction and Management Office (cdrrmo) nga ang lokal nga forecast nga mosaka sa 41°C ang heat index sa syudad, sugod ning adlawa, padulong sa Oktobre 22 nga mupatak sa 42°C.
Kini nagpasabot nga anaa na sa delikado nga lebel ang masinati nga kaigang ug kainit sa syudad alang sa managsunod nga adlaw.
Alang sa ahensya, kini mahimong hinungdan sa heatstroke, heat cramps, ug heat exhaution.
Gi-awhag ang publiko sa mga survival tips sama sa pag-inom ug daghang tubig, paglikay sa pag-inom sa tsaa, kape ug alkohol.
Planuhi usab ang bug-at nga kalihokan sa mas tugnaw nga oras sa adlaw. Gipahimangnuan ang mga trabahante nga sagad bulad sa adlaw nga likayan ang mga oras nga taas ang heat index sa syudad.
