Naghatag si Philippine National Police (PNP) chief PGeneral Jose Melencio Nartatez Jr. og isa ka semana nga ultimatum sa kanhi Hepe sa PNP nga si Senador Ronald “Bato” dela Rosa aron mo-surrender na kini sa mga otoridad.
Sa umaabot nga bulan sa Nobyembre kay mag-isa na ka tuig human kini na-isyuhan og warrant of arrest gikan sa International Criminal Court (ICC) tungod sa kasong crime against humanity sa war on drugs niadtong panahon ni kanhi Presidente Rodrigo Duterte, diin siya ang hepe sa kapulisan niadtong panahona.
Gihimo na usab ang usa ka PNP task force nga motutok sa pagpangita ug pagsikop ni dela Rosa pinaagi sa pagpanguna ni Deputy Chief for Administration Police Lieutenant General Wilson Lopez.
Matud ni Nartatez, kanunayng andam ang ilang ahensya sa pagsikop kang dela Rosa, sa malinawon man o bisan pa mosangpot kini sa armadong panagsumpaki.
Dugtong niini, nagpasidaan usab ang PNP batok sa mga grupong nagtago ug nanalipud kang dela Rosa. (raniel mahunyag)
