Giangkon ni Senate President Sherwin Gatchalian nga mahimong babag ang ilang iskedyul sa pagtuki sa nasudnong badyet tungod kay dungan niini ang impeachment trial ni Vice President Sara Duterte.
Matud ni Gatchalian, dili niya maikalimod nga dili kini mahimong dali ug nakig-alayon na siya ngadto kang Senador JV Ejercito aron masiguro nga on track ang ilahang iskedyul sa ilang target nga maaprubahan ug maratipikar ang maong sugyot nga budget sa katapusan sa tuig.
Dugang pa sa Senador, andam silang magtrabaho bisan pa sa panahon sa pasko kung gikinahanglan, sama sa gibuhat nila niadtong niaging tuig.
Gikatakdang magpadayon ang impeachment trial sa Bise Presidente sa Nobyembre 9, diin giplanohan nilang tapuson ang maong pagdungog kutob sa ilang mahimo sa dili pa ang break nga usa ka semana alang sa plenary ug kon ugaling dili pa mahuman ang depensa sa pagpresenta og mga ebidensya kay magpadayon ang pagdungog nila paghuman sa break.
Samtang magdepende usab sa dagan sa plenary sessions ang iskedyul sa Bicameral Conference Committee.
Dugtong niini, mipahayag si Gatchalian nga mamahimong usa ka hagit ang pagdungan sa Bicam ug impeachment trial tungod kay nanginahanglan og quorom sa mga senador aron magpadayon ang mga pagdungog ug deliberasyon. (raniel mahunyag)
