Gipanghingusgan sa Department of Education sa Dakbayan sa Cagayan de Oro ang ilang lima ka tuig nga roadmap nga matapos sa tuig 2028 aron mapanalipdan ang mga eskwelahan ug estudyante batok sa epekto sa El Niño ug grabeng kainit.
Gitin-aw ni DepEd CDO Head Program Director Romel Aclo nga ubos sa maong direksyon, maghimo og mga green corridors, magtanom og mga kahoy, ug magbutang og mga rainwater harvesting facilities sa mga tulunghaan.
Gipahayag usab sa opisyal nga dili lang kini dali-dali nga solusyon kundi usa ka malungtarong pamaagi aron masiguro ang kaayohan ug pagtuon sa mga bata.
Busa, nanawagan ang ahensya sa tanang principal ug magtutudlo nga ipatuman ug sundon ang maong mga lagda sa matag tunghaan.
