Gihan-ay na sa Archdiocese of Cagayan de Oro ang mga espirituhanon ug tradisyonal nga pagpangandam sa Simbahan alang sa pagsaulog sa Adlaw sa mga Santos ug Adlaw sa mga Kalag karong Domingo ug Lunes.
Gipahayag ni Archdiocese of Cagayan de Oro Apostolate Communication Officer Fr. Der John Faborada nga nakalinya na ang mga Misa alang sa maong mga adlaw tungod kay ang Nobyembre 1 usa ka Holy Day of Obligation, uban sa pagpahigayon og parade of saints diin magbisti ang mga batan-on sama sa ilang paboritong patron saint.
Gidugang usab sa clergy nga prayoridad ang pag-andam sa matag pamilya alang sa ilang pagduaw sa sementeryo, paghalad sa mga lubnganan, ug pagkahiusa pinaagi sa family reunion.
Busa, nanawagan ang Simbahang Katoliko sa tanang tumutuo nga andamon ang kaugalingon pinaagi sa maampoong disposisyon sa dili pa moabot ang pagsaulog sa Nobyembre 1 ug 2.
