Gipatingkad sa Presidential Communications Office o PCO ang ilang anti-fake news desk aron paspas nga matubag ug mapasubay ang mga bakak nga impormasyon nga naglibot sa social media.
Gipadayag ni Palace Press Officer Undersecretary Claire Castro kagahapong adlawa sa usa ka press conference diri sa dakbayan sa Cagayan de Oro nga dili na pwedeng pasagdan ug balewalaon ang fake news tungod kay gidaut niini ang kredibilidad sa gobyerno ug sa mismong legit nga mga sakop sa media.
Nanawagan usab ang opisyal sa publiko nga magmatngon ug magsusi pinaagi sa pagtsek ug pagverify sa matag balita nga gikan sa mga kasagaran nga tuburan sa kasayuran sama sa mainstream ug state media.
Gihangyo usab sa PCO ang mga tigbalita nga mag-amping sa paghimo og mga quote card aron malikayan ang pagkahatag og sayop nga pagsabot sa gipahayag sa mga opisyal.-
