Gibira’g maayo ni kanhi Kongresista Ace Barbers si Vice President Sara Duterte tungod sa giingong dili mapasabut nga kadato ug mga transaksiyong pinansyal niini.
Matod ni Barbers, “Pangkarinderya ang drama, pangbilyonarya ang bulsa,” ug iyang giingong kinahanglan ipatin-aw ang mga kalainan nga nakit-an sa bank records ug sa Statement of Assets, Liabilities and Net Worth (SALN) sa bise presidente.
Gipasabot usab ni Barbers ang pagtuki sa forensic accounting expert nga si Alexander Cabrera nga nagtumbok sa dili moubos sa ₱817.87 milyon nga giingong wala maideklarang mga kabtangan ug dili maipasabut nga bahandi gikan sa 2022 hangtod 2025.
Bisan pa niini, gisupak sa kampo ni Duterte ang interpretasyon sa prosekusyon bahin sa iyang mga financial records ug miingon nga sayop ang paghubad niini.
Gilauman nga magsugod ang depensa sa pagpresentar sa ilang mga ebidensiya sa Nobyembre 9, samtang wala pa’y pinal nga desisyon ang Senado sa nahibiling impeachment charge batok kang Vice President Sara Duterte
