Gitahasan ni Senate Committee on Public Services Chairperson Senator Raffy Tulfo ang Manila International Airport (MIA) nga magsumiter sa sulod sa 48 ka oras og kompletong report sa kondisyon sa tanang mga closed-circuit television (CCTV) camera sa ubos sa pagdumala niini.
Gibuhat ni Tulfo ang maong direktiba human migawas sa pagdungog sa komitiba nga dunay mga CCTV ang tugpahanan nga dili na mogana.
Matud ni Tulfo, gusto niyang maayo kini ug kinahanglan nga matino ang kahimtang sa mga surveillance camera aron maaksyunan ang mga dili gagana.
Gusto usab sa Senador nga mahibal-an ang kinatibuk-ang status sa mga CCTV, lakip na ang gagana ug dili gagana aron matino ang bahin sa sistema nga gikinahanglang ayuhon.
Dugtong niini, mahinungdanon ang maayong operasyon sa mga CCTV sa tugpahanan alang sa seguridad ug pag-imbestiga sa mga insidente nga mahimong mahitabo sa sulod sa pasilidad. (raniel mahunyag)
