Gipatin-aw sa abogado ni Senador Ronald “Bato” Dela Rosa nga si Atty. Israelito Torreon nga wala kini nahibal-an bahin sa bisan unsang grupo nga naghatag og proteksyon sa magbabalaod.
Mao kini ang gitubag ni Torreon sa pangutana kung aduna bay grupo nga gaprotekta sa gatago-tagong senador.
Matud ni Torreon, bugtong ang gamhanang Diyos ug bilyon-bilyon ka mga anghel lamang ang iyang protektor tungod mainampoon nga tawo matud pa ang Senador.
Gipamugos usab ni Torreon nga ang tawong makatubag lamang sa maong pangutana kay si DILG Secretary Jonvic Remulla tungod kay siya matud pa ang nagpagawas og pahayag bahin sa maong hisgutanan. (raniel mahunyag)
