Miabante si Filipina tennis star Alex Eala sa ikaduhang hugna sa Prudential Hong Kong Tennis Open human niya gipildi ang Australian lucky loser nga si Emerson Jones sa iskor nga 6-4, 6-3 niadtong adlawng Martes.
Ang maong kadaugan nagpalig-on sa kampanya ni Eala, nga karon nag-okupar sa ika-17 nga pwesto sa Women’s Tennis Association (WTA) rankings human sa iyang maayong pasundayag sa tuig sa 2026, lakip ang pagkadaog sa DC Open ug Birmingham Open.
Sunod niyang atubangon ang Czech player nga si Tereza Valentova, nga nag-okupar sa ika-85 nga pwesto sa kalibutan ug adunay 2-0 nga bentaha batok kaniya sa ilang nangaging mga panagtagbo sa Osaka niadtong tuig sa 2025 ug sa Qatar Open niadtong 2026.
Bisan pa sa paggamit og tape sa tuo niyang tuhod atol sa iyang unang duwa, gipasalig ni Eala nga maayo ang iyang kahimtang sa panglawas ug naglaum siyang tapuson ang iyang 2026 season pinaagi sa maayong resulta sa torneyo. (raniel mahunyag)
