Gipildi ni Democrat Abdul El-Sayed ang kandidato sa Republikano nga si Mike Rogers sa piniliay alang sa bakanteng pwesto sa U.S. Senate nga nagrepresentar sa Michigan, nga naghimo kaniya nga unang Muslim nga napili sa Senado sa Estados Unidos.
Ang kanhi opisyal sa pampublikong panglawas kay midagan ubos sa progresibong plataporma nga nagpunting sa pagpaubos sa gasto sa panginabuhi, paglimit sa impluwensya sa dagkong korporasyon sa politika, ug pagpatuman sa Medicare for All.
Ang iyang kadaugan nahitabo human mihukom si Senador Gary Peters nga dili na modagan alang sa laing termino, nga nakapabilin sa maong pwesto ubos sa kontrol sa mga Demokrata.
Samtang, naglisud si Rogers sa pagdani sa mga botante tungod sa mga kabalaka bahin sa pagsaka sa presyo, mga taripa, ug gubat sa Iran, bisan pa sa iyang nadawat nga suporta gikan kang US President Donald Trump. (raniel mahunyag)
