Gitumbok sa usa ka legal expert nga adunay dakong epekto ug implikasyon sa normalization process sa Bangsamoro Peace Agreement ang pagkawala sa MILF leadership sa BARMM Parliament.
Gipadayag ni Atty. Badrodin “Bador” Mangindra sa iyang interbyu sa Bombo Radyo, nga peligroso ang pagtapos sa political track sa kasabotan samtang wala pa gani katunga ang normalization process sama sa wealth ug revenue sharing code.
Dugtong pa sa abogado nga bugtong ang MILF ug ang Gobyerno sa Pilipinas ang opisyal nga mga partido sa kasabotan, ug dili ang BARMM government.
Gumikan niini, nanawagan ang opisyal nga kinahanglang tan-awon ang strained relation sa kasamtangang liderato aron dili mabiktima ang peace agreement sa gidudahang tyranny of numbers sa bag-ong parliament.
