“Kailangan ho witnesses, hindi weaknesses,” mao kini ang gipahayag ni House Prosecutor ug Bicol Saro Partylist Representative Terry Ridon bahin sa listahan sa mga testigo nga ipresenta sa kampo sa depensa sa pagpadayon impeachment trial batok kang Vice President Sara Duterte.
Gipamugos ni Ridon nga wala sa maong listahan sa mga testigo ang adunay katakus sa paghatag og katin-awan ug pagkontra sa mga gipresentang ebidensya sa kampo sa prosekusyon.
Dugang pa ni Ridon, halos tanang ebidensya, testimonya ug dokumento nga gikan sa prosekusyon kay gidawat na sa Senate Impeachment Court.
Dugtong niini, gipasiugda ni Ridon ang kamahinungdanon sa pagtino kung adunay mga testigo sa depensa nga dunay katakus nga maghatag og katin-awan sa matag pasangil ug makatubag sa mga dokumento, testimonya, ug uban pang mga ebidensta nga gidawat na sa impeachment court. (raniel mahunyag)
.jpg "Malacañang, nagpahigayon sa mga programa sa pagpalambo sa kahanas ug pagpalapad sa oportunidad sa trabaho")
