Gipahibalo ni U.S. Representative Thomas Massie ang walo ka artikulo sa impeachment batok kang Defense Secretary Pete Hegseth, nga naglakip sa mga alegasyon sa pagpakiggubat batok sa Iran nga walay pagtugot sa Kongreso ug pag-abuso sa gahum sa ehekutibo.
Ang maong resolusyon nagpalihok sa duha ka adlaw nga proseso alang sa posibleng botasyon sa House of Representatives, diin gilaoman nga adunay igong suporta aron kini mapasa bisan kontrolado pa sa mga Republikano ang maong kamara hangtod Enero 3, 2027.
Hugot nga gisupak ni U.S. President Donald Trump ang maong paningkamot ug mipahayag nga suportahan gihapon niya si Hegseth bisan pa kung ma-impeach kini, samtang si Hegseth mipahayag nga wala siya mabalaka sa maong lakang ug andam siyang moatubang niini.
Kung mapasar sa House of Representatives ang maong resolusyon, ipadala kini sa Senado alang sa impeachment trial, diin gikinahanglan ang 2/3 nga boto aron makombikto siya ug matangtang sa katungdanan, apan gamay lang ang posibilidad nga makuha ang maong gidaghanon sa boto tungod sa kontrolado pa gihapon sa mga Republikano sa Senado. (raniel mahunyag)
