Gitin-aw sa geopolitical expert nga si Professor Lucanus Azrael Igot nga walay kamatuoran ang mga pagtuo nga mihuyang o ni-weaken ang US dollar human nigawas ang resulta sa US midterm elections.
Gisulti sa eksperto nga nahimo lamang mas affordable o dali nga mapalit ang dolyar nga usa ka maayong oportunidad para sa mga nasud nga sama sa Pilipinas.
Dugtong pa ni Igot nga dako kini nga tabang sa pagpalit og mga imported nga mga palitonon ug batakang panginahanglan gikan sa gawas sa nasud lakip na ang lana gikan sa Middle East.
Busa gipasalig sa eksperto nga ang pag-afford sa dolyar maghatag og mas halapad nga kapasidad sa pagpalit og mga produkto nga gigamit sa adlaw-adlaw nga ekonomiya.
