Mitala si Giannis Antetokounmpo og 34 puntos, 14 ka rebounds ug walo ka assists aron pangunahan ang Miami Heat sa ilang 137-117 nga pagdaog batok sa Detroit Pistons niadtong Sabado, Nobyembre 14, 2026.
Midugang usab og 26 puntos si Klay Thompson, lakip ang unom ka three-point shots, samtang si Cade Cunningham maoy nanguna sa Detroit pinaagi sa 33 ka puntos ug walo ka assists.
Sa laing duwa, giputol sa Chicago Bulls ang lima ka sunod-sunod nga kadaugan sa Minnesota Timberwolves human sila midaog, sa iskor nga 117-106, sa ilang duwa sa Minneapolis.
Samtang, midaog usab ang Cleveland Cavaliers nga kulang sa ilang regular nga mga magdudula batok sa Dallas Mavericks, sa iskor nga 127-117, nga gipangulohan sa triple-double ni Tyrese Proctor nga nakarekord og 24 ka puntos, 11 ka rebounds ug 10 ka assists. (raniel mahunyag)
