Gisupak sa grupong August Twenty One Movement ang planong paghatag og red carpet welcome kang United States President Donald Trump sa pagbisita niini dinhi sa Pilipinas.

Gibutyag sa lider sa pundok nga si Volt Bohol nga dili angay abi abihon ang presidente sa Amerika tungod kay susama ang estilo sa pagdumala niini sa kanhi diktadurya ni Ferdinand Marcos Senior ug sa administrasyon ni kanhi Presidente Rodrigo Duterte.

Gipasabot ni Bohol nga lakip sa gisaway sa grupo ang giingong pagpangharass ni Trump sa mga mainstream media sa Amerika ug ang pagpanglupig mismo sa kaugalingong katawhan niini.

Dugtong pa ni Bohol nga alang sa usa ka nasud nga mipukan og diktadurya niadtong 1986, usa ka dakong sayop kon hatagan og mainitong pag abi abi ang usa ka lider nga giakusahan og pagpangabuso