Gipasigarbo ni U.S. President Donald Trump nga nagmabungahon ang iyang panaghisgot kang Russian President Vladimir Putin bahin sa gubat sa Ukraine atol sa ilang panagkita sa Shenzhen, China, diin miingon siya nga gipakita ni Putin ang tinguha nga tapuson ang panagbangi pinaagi sa diplomasya.
Bisan pa sa maong pagkamalaumon, nagdumili si Trump sa paghisgut bahin sa mga garantiya sa seguridad alang sa Ukraine hangtud nga makab-ot una ang usa ka mas lapad nga kasabutan sa kalinaw.
Nahitabo kini human miingon ang iyang magtatambag nga si Jared Kushner nga komportable na ang Russia sa ideya sa paghatag sa Ukraine og mga garantiya sa seguridad nga susama sa Article 5 sa NATO, apan gisalikway kini ni Russian Deputy Foreign Minister Sergei Ryabkov isip dili madawat sa Moscow, diin gihulagway usab ni Trump ang nagkasumpaking mga pahayag isip bahin sa estratehiya sa negosasyon ug public relations.
Pipila ka oras human gipagawas ni Trump, Putin ug Chinese President Xi Jinping ang hiniusang deklarasyon nga nagpasiugda sa kalinaw, gilunsad sa Russia ang usa ka dakong pag-atake gamit ang mga missile ug drone batok sa Ukraine, nga miigo sa mga pasilidad sa kuryente ug miresulta sa kamatayon sa dili moubos sa walo ka tawo. (raniel mahunyag)







