Saksihan ang AJEX DAGIT-PA 10-2026 ng AFP! Tuklasin ang mga bag-ong kagamitan sa militar, all-domain operations, at humanitarian assistance. Alamin ang detalye!

Gipatin-aw ni Armed Forces of the Philippines (AFP) spokesperson Col. Francel Padilla nga adunay mga bag-ong bahin ang ika-10 nga AFP Joint Exercise Dagat, Langit at Lupa (AJEX DAGIT-PA) 10-2026, usa ka all-domain operation nga naghiusa sa nagkadaiyang sangay sa militar.

Matud ni Padilla, lakip sa mga gipasiugda karong tuiga ang pagsulay sa mga bag-ong kagamitan sa militar, ang pagdumala ug pagdeploy sa mga suplay, ug ang paggamit sa maong mga kagamitan sa nagkadaiyang sitwasyon.

Lakip sa mga gipakita sa ehersisyo ang shore-based anti-ship missile system nga giapil sa mga pagbansay-bansay sa Bolinao, Pangasinan.

Gawas sa mga operasyon sa yuta, kahanginan, dagat, cyber ug impormasyon, kabahin usab sa ehersisyo ang civic action ug humanitarian assistance and disaster response (HADR).

Dugtong niini, sayo usab nga nakig-alayon ang militar ngadto sa mga lokal nga kagamhanan aron masiguro ang kaluwasan sa mga residente nga nagpuyo duol sa mga lugar nga gigamit sa maong pagbansay-bansay. (raniel mahunyag)