CAGAYAN DE ORO CITY-Nagka-engkuwentro sulod sa pila ka minutos ang militar ug dili matino nga gindaghanong sakop sa rebeldeng New People’s Army o NPA sa Sitio Nabawang,Busdi,Malaybalay City,Bukidnon.
Gibutyag ni 8th IB civil military operations head 1Lt Erwin Bugarin nga mi-responde sila sa report nga dunay presensiya sa armadong pundok sa lugar apan gipabuthan sila’g landmines.
Gilayong natigayon ang engkuwentro dihang naabtan sa mga sundalo ang mga armadong tawo nga kamulo nga nagpahimutang sa landmines.
Hinoon,walay naigo gikan sa militar apan giingong dunay samaron sa mga rebelde nga paspas nakasibat dihang natigayon ang engkuwentro.
Nabawi sa militar ang kagamitan sa improvised explosive device ingon man mga basyo sa mga bala sa M-16 ug AK-47 rifles.
