CAGAYAN DE ORO CITY-Hulaton sa militar nga makuha ang patay’ng lawas ni Malaysian Dr Mahmud Ahmad gikan sa war zone sa Marawi City.
Kini unya ang ilang mahimo nga basehan nga ikompirmar ang kamatayon ni Ahmad kuyog ang laing 12 ka teroristang Maute-ISIS nga nakig-engkuwentro sa militar kagabii.
Miingon si Task Force Ranao Deputy Commander Col Romeo Brawner nga gibasehan nila sa ilang claim sa
kamatayon ni Ahmad tungod sa gisulti sa sibilyan nga naluwas sa militar kagabii.
Samtang dili pa makompirmar sa kagamhanan kon kumpirmado nang namatay si Ahmad nga mihulip sa tahas nila Omar Maute ug Isnilon Hapilon nga nakig-away sa militar sa Marawi City.
Kini bisan nga gibutyag ni AFP spokesperson Maj Gen Restituto Padilla nga 99.9 porsiento na nga napatay sa military operation si Ahmad atol sa operasyon sa main battle area kagabii.
Miingon si Presidential spokesperson Ernesto Abella nga i-kompirmar lamang nila ang kamatayon ni Ahmad kon hingpit nang makit-an ang patay’ng lawas niini sama sa nahitabo kanila ni Omar ug Hapilon.
