CAGAYAN DE ORO CITY – Nadakpan sa Kapatagan Municipal Police Station ang usa ka lalaki nga nanghasi gamit ang iyang taas nga kalibre sa armas sa Purok 15, Brgy Poblacion, Kapatagan, Lanao del Norte, kagabie.
Giila ni Police Col. Rene P Solidarios, Provincial Director sa Lanao del Norte Provincial Office ang suspek nga si James Langging Fernandez alyas Tata, 67 anyos, minyo ug usa ka elektrisyan ug residente sa Purok 10, sa susamang barangay.
Base sa report, nasuko ang suspek human masikohan sa biktima nga si Darwin Mabatid Vallejo, 19 anyos, ulitawo ug residente sa susamang dapit.
Unang mi-angkon ang biktima nga dili siya ang kabikil sa suspek apan siya ang nahinaykan niini.
Sa pagresponde sa kapulisan, nakuha sa suspek ang usa ka taas ug improvised shotgun nga dunay upat ka bala sa 12 gauge shotgun cartridges.
Hisayran nga hubog ang suspek atol sa iyang pagkasikop.
Kasuhan ang suspek sa illegal possesion of firearms and ammunition.
