Gipalig-on sa duha ka dagkung lider gikan sa Pilipinas ug Japan ang ilang bilateral relationship sa ikatolong adlaw sa state visit ni Presidente Ferdinand Marcos Jr sa Tokyo, kagahapon.
Si Japanese Prime Minister Sanae Takaichi misaad nga determinado ang ilang nasud nga palawumon pa ang relasyon ug kooperasyon isip simbolo sa “partnership” sa duha ka nasud.
Taliwala sa daghang kausaban ug mga suliran sa kalibutan, gikomitar ni Takaichi ang pagpili sa kalinaw ug panaghiusa sa rehiyon ubos sa ilang nahisgutan nga Maritime Security and Indo Pacific Stability.
Lakip sa ilang nahisgutan ang Trade, Energy ug Infrastructure plans, Si Marcos, init nga gisugat sa primo ministro sa Japan sa iyang courtesy visit sa Akasaki Palace.
Una niini, gikompirmar usab sa primo ministro nga sugdan na sa Manila ug Tokyo ang kasabutan sa pagpa-ambit sa classified information aron tugotan ang Japan nga mas mapalapad ang paghatag sa gamit-pangmilitar sa Manila, lakip na ang mga barkong igugubat.
Hisayran nga ang Tokyo ug Manila padayon sa nagpalig-on sa ilang depensa ug seguridad nga panag-uban isip tubag sa nagkadako nga pagpangusog sa China sa South China Sea ug palibot sa Taiwan.
Bag-ohay lang nga gikuha sa Japan ang dugay na nga limitasyon sa pag-eksport sa combat equipment. Ang maong kausaban gilauman nga makabenepisyo sa Pilipinas.
