Gikinahanglan nakasentro sa kalambuan sa katawhan, inclusibo, ug data driven ang mga pamaagi sa pagpalambo sa rehiyonal nga ekonomiya sa Habagatan-Sidlakang Asya.
Kini ang gipanawagan ni Chairman sa 40th Senior Officials Committee for the ASEAN Socio-Cultural Community (SOCA) meeting, nga si His Excellency Adones Sulit sa gipahigayong meeting, kagahapong adlawa, dinhi sa Pilipinas.
Kini nga pulong maoy tipik sa kapin gatus ka mga aktibidad sa ASEAN 2026 kundiin, ang Pilipinas ang nagsilbing host country.
Namahayag si Sulit nga ang pagpalambo sa ASCC Results Framework o ASEAN Socio-Cultural Community, giila isip labing kritikal nga lakang aron ang hini-usang tumong sa ASEAN mahimong masukod pinaagi sa bilinhong mga outcomes alang sa mga katawhan sa rehiyon.
Ang iyang opening remarks naglatid usab sa importansya sa kooperasyon ug koordinasyon sa mga sektor aron masiguro nga ang mga polisiya ug programa sa ASCC makahatag og tinuod nga kaayohan sa mga ASEAN communities.
Lakip sa mitambong sa pulong kagahapong adlawa mao ang mga representante sa LAOS PDR, Indonesia, Cambodia, Brunei Derusalam, Singapore, Malaysia, Myanmar, Philippines, Thailand, Timor Leste ug Vietnam.
