CAGAYAN DE ORO CITY – Gibisita ni PNP chief Gen Rodolfo Azurin Jr ang iyang mga pulis nga tipik sa mga namatay ug samaron sa dugu-ong bangga tali sa wing van ug ultra vans sa Naawan,Misamis Oriental.
Kini aron personal nga ipaabot ang pagsimpatiya ug pagpataas morale sa ilang mga kauban nga anaa sa maong kahimtang.
Gibutyag ni Azurin nga naduaw na niya ang mga anaa sa ospital ug dalikyatan usab niini ang mga haya sa ubang mga pulis nga nakabsan sa kinabuhi gumikan sa hitabo.
Anaa na sa siyam ka kinabuhi ang namatay nga naglakip kanila ni Police Sr Master Sgt Eric Generalao,Senior Staff Sgt Jobille Lou Cañeda; Police Staff Sgts Michael Ermac;Marjun ReuyanAaron Ticar;Amil Manoop ug Eugene Lagcao ingon man si retired Police Staff Sgt Anito Abapo.
Ang maong mga aktibong pulis ang ubos sa police schooling sa Regional Training Center diha sa Brgy Patag ning syudad.
Samtang nagpaabot usab sa iyang kasub-anan ug midugang paghatag sa tabang pinansyal si Misamis Occidental Gov. Henry Oaminal ngadto sa mga pamilya sa namatay ug mga naangol nga mga pulis.
Kini human naggikan sa ilang probinsya ang pipila sa mga namatay ug mga angol sa hitabo.
Gihimo ni Oaminal ang kahupayan atol sa iyang pagsilbing dinapit nga mamumulong sa 32nd PNP founding anniversary sa PRO 10 nga nakabase sa Camp Alagar ning syudad.
Naila si Oaminal nga duol sa mga pulis tungod sa iyang dakong pahat sa tabang-pinansyal nga gitunol alang ikalambo sa pipila ka buildings sulod sa Alagar.
