Sa budget deliberation sa Office of the President, si Executive Secretary Lucas Bersamin mipahayag og kusog nga panawagan batok sa mga miyembro sa House of Representatives nga gitumbok niya nga nagpaningkamot ilabay ang sala sa korapsyon ngadto sa ehekutibo.
Si Bersamin Miingon nga ang mga kalihokan sa ilang gabinete dili motugot nga gamiton ang budget process isip instrumento sa “political theatrics.” Gipangayo niya nga ang Kongreso maglimpyo sa ilang kaugalingong han-ay una pa man mosaway sa uban.
Ang iyang pahayag misunod sa kontrobersiya sa 2026 National Expenditure Program (NEP), diin daghang mga proyekto sa flood control ang giingong walay klarong detalye ug posibleng tinubdan sa anomalya.
Giklaro ni Bersamin nga ang administrasyon ni Presidente Marcos Jr. seryoso sa pagpatuman sa hustong paggamit sa pondo ug sa paglimpyo sa sistema.
Apan ang iyang panultiya giingon sa mga kritiko nga usa ka paagi sa paglikay sa accountability ug pagpanglimpyo sa papel sa Malacañang.
Bisan pa niini, nagpabilin ang panawagan sa transparensiya ug hustong pagsusi sa budget sa Office of the President nga nagkantidad sa P10.5 bilyon para sa 2025.
Ning tuiga, Office of the President nakadawat sa dugang nga P5.2 bilyon alang sa 2025 budget isip preparasyon sa ASEAN Summit nga ipahigayon sa Pilipinas sa 2026.
Kini nga pondo gigamit para sa pagpangandam sa venue, seguridad, housing, ug logistics alang sa kapin 300–400 ka cluster meetings, lakip na ang leaders-level summits.
Giangkon sa Malacañang nga kinahanglan magsugod ang trabaho karon pa lang aron masiguro ang kalampusan sa maong internasyonal nga pagtigom.
