CAGAYAN DE ORO CITY – Gawasnon na ang driver sa bongo trak nga unang nalambigit sa dugu-ong aksidente diin usa ka maestro ang patay ug laing duha ka maestra ang samaron sa nga sakay sa Toyota Wigo sa Sayre Highway Purok 7 Upper Puerto ning syudad sa miaging semana.
Kini ang kompirmasyon ni Police Chief Master Sgt Ryan Sevilleno,traffic investigator sa Puerto Police Station kabahin sa hitabo.
Siya miingon nga may igo na lang kini gihatagan sa kopya sa pirmado nga dokumento nga nagmatood nga nagka-amicable settlement na ang duha ka panig.
Hisayrang maoy patay sa hitabo si Julius Bayudan samtang samaron ang iyang kapikas ug laing kauban nila nga maestra nga taga-Cagayan de Oro sa dihang nagkasungag ang wigo ug trak nga gimaneho usab ni Jimmy Boy Bayanton nga taga-Manolo Fortch,Bukidnon.
