CAGAYAN DE ORO CITY – Atubangon sa empleyado sa city hall ang pagsupak sa akta republika 9165 nga dinakpan sa gilusad nga anti-illegal drug buy bust operation sa kapolisan sa Macahambus-Capistrano Streets,Brgy 16 ning syudad.
Giila ni Lt Col Evan Viñas,tigpamaba sa Cagayan de Oro City Police Office ang dinakpan nga si Julius Maligalig,legal ang edad ug nagsilbing administrative aide 1 sa Community Affairs Office ning syudad.
Miingon si Viñas nga subay sa nakuha nga mga ebedensiya sa mga operatiba sa Bulua Police Station 7 gikan sa suspek,kini gilakipan sa duha ka magkalahing sachets nga dunay sulod nga gitoohang shabu nga nagkostar 30-mil pesos.
Nakompiskar usab ang cellphone ug marked money gikan sa suspek nga gigamit sa maong operasyon.
Daan nang nagpasidaan si City Mayor Rolando ‘Klarex Uy nga kon dunay bug-at nga basehan,dili kini magpanuko paglangkat sa katungdanan sa bisan kinsa nga masapon nga empleyado sa city hall nga nalambigit sa pagbaligya ug paggamit sa ilegal nga droga.
